1․ Նախագիծ՝ «Կարդում ենք Ռուբեն Սևակ»
Նախագծի նպատակը՝ Ռուբեն Սևակի ստեղծագործությունների ընթերցում-վերլուծում-տարածում
Գիշերն իջավ
Գիշերն իջավ անամպ, անհուն,
Բյուր բյուրեղե ի՜նչ նուրբ անուն
Տալ անուրջի այս սուրբ պահուն.
― Ա՜խ, ապրելո՜ւ երջանկություն․․․
Կանէանա նավն հեռակա,
Լիճն երազ մ’է, կա ու չըկա.
Ջուրի շշունջն է լոկ վըկա,
― Շշնջելո՜ւ երջանկություն:
Վերն հազար աստղ, վարն հազար լույս,
Կիսաստվերին մեջ հոգեհույզ
Կը խոսակցին քար, վըտակ, բույս.
― Ա՜խ, իրերո՜ւ երջանկություն․․․
Ու կձայնե մատուռն հստակ.
― Սա ծերունի ծառերուն տակ,
Այս քաղցրության մեջ բովանդակ
Քարանալո՜ւ երջանկություն․․․
Սա շատ գեղեցիկ բանաստեղծություն է: Հնարավոր է, որ ընտրեցի հենց այս բանաստեղծությունը, որովհետև լավ կարողացա զգալ հեղինակի և բանաստեղծության ստեղծած տրամադրությունը: Կարծում եմ, որ բոլորիս մոտ էլ այդպես պատահել է, որ ցանկացել ենք քարանալ, անմահանալ մի որևէ պահում…
Այստեղ կոնկրետ խոսվում է անամպ, անհուն գիշերվա մասին: Երբ չես ուզում ոչ մի լուրջ բանի մասին մտածես: Նայում ես բնությանը, զգում ես դրսի տրամադրությունը, եղանակը՝ այդ ամենը ազդում է քեզ վրա և ստեղծում է մի յուրահատուկ տրամադրություն:
Այդ պահին գտնվում ես ոչ լույսի տակ, ոչ ստվերի մեջ: Թվում է, որ քո ուղեղը ինչ որ բաներ չի ընկալում, բայց դու քեզ լավ ես զգում, հանդարտ և հանգիստ: Գտնվում ես ինչ որ կիսաստվերի մեջ, որից ոչ մի կողմ չես ուզում դուրս գաս…Հնարավոր է, որ հեղինակը այս բանաստեղծությունը գրել է ուրիշ իմաստով և այլ բան է ինկատի ունեցել այն գրելով, բայց ես այս բանաստեղծության մեջ գտա հանդարտություն,այն տրամադրությունը, որը ինձ դուր է գալիս:
Կենսագրություն (Ռուբեն Սևակ)
Սևակ Ռուբեն (Չիլինկիրյան Ռուբեն Հովհաննեսի) (փետրվարի 15, 1885 թ., գյուղ Սիլիվրի– օգոստոսի 26, 1915 թ.) ― հայ բանաստեղծ, արձակագիր, բժիշկ։
Կրթությունը
Սովորել է ծննդավայրի Ասքանազյան նախակրթարանում, այնուհետև՝ Պարտիզակի վարժարանում (մինչև 1901–ը)։ Ավարտել է Կ.Պոլիսի Պերպերյան վարժարանը (1905), Լոզանի համալսարանի բժշկական ֆակուլտետը (1911)։ 1911-14–ին աշխատել է Լոզանի հիվանդանոցներից մեկում։
Ռուբեն Սևակը և Հայոց Ցեղասպանությունը
Ռուբեն Սևակը իր շատ նշանավոր ժամանակակիցներից ավելի շուտ զգաց ու նկատեց արևմտահայությանը սպառնացող ողբերգության հեռանկարը։ Սևակը իրեն դրսևորեց որպես հասուն ազգային ու քաղաքական գործիչ և իր ստեղծագործություններով զգոնության կոչ էր անում, ընդգծելով համազգային միասնության կարևորությունը։
Մահը
Բայց 1915 թ. թուրքական յաթաղանի զոհ դարձած Ռուբեն Սևակը ոչ միայն խոսքով ու գրչով էր պաշտպանում իր գաղափարները, այլև կյանքի գնով ապացուցեց ժողովրդին անմնացորդ նվիրվածությունը։
1915–ին վերադարձել է Կ.Պոլիս, ձերբակալվել է և աքսորի ճանապարհին նահատակվել այն խմբի հետ, որի մեջ էին նաև Դանիել Վարուժանը, Սիամանթոն և ուրիշներ։
Մահից առաջ թուրք դահիճները Ռուբեն Սևակին առաջարկեցին ընդունել մահմեդականություն, ամուսնանալ թուրք պաշտոնյայի աղջկա հետ և փրկել իր կյանքը։ Ռուբեն Սևակի հետ աքսորավայրում գտնվող երևելի հայ գործիչները համոզում էին նրան ընդունել առաջարկությունը և փրկվել։
Սակայն Ռուբեն Սևակը հավատարիմ մնաց իր ընտանիքին, իր զավակներին։ Նա հավատարիմ մնաց իր ժողովրդին և գերադասեց մահը կյանքը ստորաբար շարունակելու ողորմելի հեռանկարից…
Նախագծի խնդիրները՝
Ռուբեն Սևակի անձի և ստեղծագործությունների նկատմամբ հետաքրքրության խթանում
Ճանաչողության և վերլուծական մտածողության զարգացում
Բառապաշարի հարստացում
Արևմտահայերեն կարդալու, հասկանալու ուսուցում
Մասնակիցները՝ ավագ դպրոցի 10-12-րդ դաս․ սովորողներ
Համագործակցություն՝ մայրենի լեզու, երաժշտություն
Ընթացքը՝
Սովորել անգիր ընտրած ստեղծագործությունները, հատվածները։
Կարդալ, վերլուծել, ուսումնասիրել, հետազոտել։
Սովորած ստեղծագործությունները փոխադրել արևլահայերեն, ձայնագրել, տեսագրել։ Բոլոր նյութերը տեղադրել բլոգներում։
Ամփոփում՝- դասը վարում են սովորողները
Եկուր սիրենք,եկուր սիրվինք
Եկուր սիրենք, եկուր սիրվինք,
Եկուր պատմեմ քեզ մեկուսի,
Գաղտնի, ահեղ սեր մը սըրինգ,
Որ տակավին մեկուն չըսի…
Երթանք կապույտ սարն հեռակա,
Մարդերեն վեր, աստղերուն տակ,
Մեր լացին լոկ սերը վըկա,
Ու ձայնակից ըլլա վըտակ…
Ակնկալվող արդյունք՝ վերլուծություններ, ստեղծագործական պատումներ, ռադիոնյութեր, աուդիո-վիդեո հոլովակներ, բացօթյա ընթերցումներ։
2․ Նախագիծ՝ «Մխ․ Սեբաստացի»
- Մխիթար աբբահոր մեծ առաքելությունը—Յուրա Գանջալյան
- Մխիթարյաններ
- Մխիթարյանները Վահրամ Փափազյանի հուշերում —Փափազյան
- Հայերի Վենետիկը
- Մխ․ Սեբաստացի աբբահայրը։
- Մխ․ Սեբաստացի — Ղևոնդ Ալիշան
- Սեբաստացին Սևանավանքում, Էջմիածնում։ Ուսումնասիրություն, թարգմանություն, հետազոտական աշխատանք: